senandung rindu untak amak..

bulan sabaleh tanggal tujuah..

di hari jumaik di waktu subuah..

ambo di lahian sebagai anak katujuah..

tigo bulan labiah di hari ka sapuluah

mande ambo pai di ambiak allah.

badan ketek nan masih sirah..

masih di baduang jo kain lusuah..

urang mancaliak pun jo hati sadiah..

tinggalah badan ndak tau apo2.

indak tau jo mande ba a ruponyo..

mande urang nan di sangko mande ambo..

tahun baganti ambo pun lah gadang pulo.

ambo lah masuak sikola di sabalah rumah bako..

sangkek tu ambo sd lah kelas tigo..

"anak yatim, anak yatim, anak yatim" itu kato2 yang ambo tarimo..

kato2 dari kawan sikola ambo..

tibo di rumah ambo ba tanyo ka uwo..

"lah maningga amak ambo wo?"

sambia manangih baliau mandukuang ambo..

mamaluak jo babisiak di talingo ko..

"amak kau lah di tuhan nak,buliah sanang liau di sinan, elok lah laku kau doa an liau yo"

"ma pusaro liau wo" tanyo ambo..

"nan itu nak" baliau manunjuak sambia mahapuih aia mato..

amak..

kato nyo amak manih sarato rancak..

tinggi bana indak pendek bana pun indak..

sadang elok lah tapeknyo mak..

kuruih indak tapi indak pulo gapuak..

langsing saketek lah kiro2 mak..

amak wak sayang..

bundo kanduang nan tingga di rumah gadang..

amak elok,lambuik, dan ndak bisa berang..

amak saba sarato panuah kasih sayang..

amak tulus satiok manolong urang..

kok ka batanak, amak sapariuak gadang..

kok manggulai pun sakancah gadang..

ka manyasah pun sa embe gadang..

karano amak padusi surang.

amak wak sayang..

anak gadih amak kini lah gadang..

lah marantau kanagari urang..

poto amak di agaiah ka ambo sabalum marantau kapatang..

poto amak wak latak di dompet ka utk wak pandang2..

mato amak ketek iduang amak pun indak gadang..

bibia amak tipih dagu pun indak panjang..

amak ku. katonyo..

tatapan amak lembut panuah cinto..

kato2 amak haluih pananang hatiko..

amak...

kato urang "satiok ibu ndak nio anaknyo sakik do'

tapi amak beda, kl di amak akan ngecek giko

"nak, berusahalah menjadi yg terbaik, karano yang terbaik utk yang terbaik, 

jalan menuju yg terbaik itu ndak mudah nak, tp yakin lah selagi niat kau baiak, allah basamo kito"

amak..

amak, yang di panggia iji..

lah duo puluah ampek tahun amak pai..

anak gadih amak kini batambah manih..

lah pandai pulo mancari pitih..

ambo pulang patang kawan amak manangih..

katonyo ambo sarupo jo iji..

amak..

bia anak amak jauah di mato..

tapi dihati indak ka wak lupo..

wajah manih amak sarato tutua kato..

manjadi penyubur sumangaik jiwa ko.

amak..

kasih mu bagai mato aia

nan taruih mangalia..

bak cando ambun, manyajukkan hati awak..

sajukkan jo kasiah sayangmu amak..

amak, kau sabana2 bararti.

dan tak kan pernah taganti..

alah di tanam padi si sawah.

nan ilalang nyo tumbuah juo,,

musim pabilo padi ka masak.

bialah di lahia kito tapisah..

nan doa den kirimkan juo..

jo al -fatihah sajo mande den paluak..

“Ya Tuhanku! Ampunilah aku, ibu bapakku dan kasihilah mereka keduanya, sebagaimana mereka berdua telah mendidik aku waktu kecil.”

AL-Fatihah..

salam sayang panuah cinto untuak amak.

semoga amak di sayang Allah..

lope u amak.. muachh :paluak  :cium

disadur dari tulisan fb

jakarta,3 maret 2011