Dikaji pulo tareh karambia. Kok nyampang tumbuah di lereang tapian. Usah di paga di sirami. Pabia selah nyo lai ka gadang surang. Kok nyampang lah gadang lah babuah pulo. Di panjek dek baghuak. Buah di puta di pilin abih. jatuah lareh ka tapian. di tanti agak ka baruah.
Karambia di tenteang di lenggangkan di bao ka ateh rumah. Tibo di rumah di buka sabuiknyo. Di batuah tampuruangyo di kukua isinyo. Tinggalah karambianyo sajo. alun cukuik sampai disitu. Karambia harus di rameh untuk mandapek an santannyo. Santan di campua jo sagalo bumbu. lado, sapadeh, lingkueh, kunyik, sarai, daun limau, daun salam, daun kunyik, kok paralu ruku2 stek. Di jarangan di api jo daun masiaknyo jo sabuiknyo jo kayu api. Gulai masak lamaknyo sabateh karongkongan. Selain untuak masak, santannyo bisa juo untuak perawatan rambuik, supayo rambuik jd hitam mangkilek.
Selain ka untuak gulai karambianyo bisa juo di jadian ambu ambu ka pambuek kuah sate. Selain itu bisa juo ka untuak pambuek minyak. Minyak nyo bisa di jadian minyak goreang. Onde mandeee, samba lado matah di agiah minyak karambia di makan jo jariang sabana lasuah. Sampai ndak nampak mintuo lalu. 😆
Lain pulo nasib sabuiknyo. Kajadi kayu api jo ka aleh pambaka kumayan. Bisa juo ka untuak pambasuah piriang. Bisa juo untuak ka duduak di buaian. Daun masiak nyo bitu pulo ka jadi kayu api. Selain itu daun nyo bisa di anyam kajadi atok gaduang2 di tangah sawah, atau ka pamaga kandang itiak. Tibo di aianyo. Kok karambia mudo lai ka jd ubek takilok badan jo paneh di dalam. Kok aia karambia tuo, ka parandam jariang untuak mangurangi baunnyo. Kok tampuruangnyo ka jadi baro sate. Lidinyo bitu pulo ka jadi lidi sate. Pucuaknyo ka jadi sarang katupek.
Ba a jo batang nyo. Ha batangnyo bisa ka jadi titian di banda jalan ka sawah. Ba pulo jo ureknyo. Ureknyo ka jadi ubek pulo (kalo ndk salah, lupo2 ingek).
Kok katapangnyo bisa ka ma pel lantai buliah nak tacilak.
Karambia oh karambia sungguh besar jasamu. 😎
-maulid-
Depok, 23 mei 2015
Tidak ada komentar:
Posting Komentar