senandung rindu untuk amak(jilid 2)

dear amak,
anak gadih amak lah taragak,
alah lamo indak bacarito lamak,
lai aman2 sae kaba amak?
anak gadih amak, kini sadang samak,
bak cando rimbun d tangah parak,
kapulang kampuang bapitih indak,
indak ka pulang hati ramuak,
tapaso tangih nan baraguak,
sarato dendang jo pupuik ka palapeh taragak.

amak,
kini lah bulan puaso,
maaf jo rila nan ambo pintaknyo
ambo puaso d rumah bako,
kapatang kami buek karupuak lado,
makan barabuik yo sabana sero,
saraso taulang maso2 nan lamo,
maso ambo ketek dulunyo,

amak,
anak gadih amak batambah gapuak,
sarato jo pipi tambah bangkak,
tapi, tanang se amak, lai batambah rancak,
sarupo jo maso gadih amak,

amak,
lah 26 tahun amak pai
akan tetap barado d hati
kasiah sayang amak bakcando matohari
yg ndak panah ingka janji kapado pagi,

mak,
masih panjang jalan nan ka ambo lalui,
ambo pintak doa sarato amak restui
mudah2an allah mambari kalapangan hati,
mamudahan langkah kaki.
melindungi perjalanan diri.
malimpahkan kaberkahan jo kaluasan rasaki,



akia kato mak
alah den tanam padi disawah
namun ilalangnyo tumbuah juo
antah pabilo padi ka masak,

bialah di lahia kito tapisah.
namun dihati indak ka den lupo
jo doa sajo amak den paluak.

miss u amak,
Al - fatihah

-maulid-
depok, 12 juli 2013