senandung rindu untuak amak (jilid 3)

senandung rindu untuak amak (jilid 3)

October 8, 2013 at 11:49am

dear amak,
anak amak datang liak.
mambao carito baru nan labiah lamak
carito dari kawan kawan amak
ungkapan hati kawan amak
tentang amak,
senandung rindu untuak amak.
yang patamo ambo mulai dari subarang rumah, ibu upiak.

bu piak di alek si uda

beliau memanggilmu dengan sapaan akak.
satiok ambo pulang, pasti ambo tamui liau,
"ndeh, lah gadih anak akak piak"
kato patamo nan kalua dari liau
sakatiko ambo dasak ibu piak untuk bacarito tentangmu amak,
sambia matanyo manarawang, muluiknyo mengisahkanmu,

amak yang jd tampek manompang,
tampek bu piak manenggang,
ndak panah manyingguang,
nan panyayang, ndak panah berang,
kok hari minggu masak surang
batanak sapariuak gadang
manggulai sakancah gadang
manyasah sa baskom gadang,
basuah piriang satamala gadang
itupun di tapian balakang
adiak adiak bujang,
anak anakpun anak bujang
padusi alun ado, agak surang.
katampek manyalang,
walau tak di bayia, tatap di salang,
kadang, bu piak minjam 5 liter bareh, bisa bayia 3 liter bareh,
dan amak menjawab, "bialah nan 2 liter tu, iji basadakah"

katiko tibo hari sabtu
amak lah siap siap di muko tungku
ka ma iduik an api jo kayu
kamambuek kuah sate nan ka dijua di hari minggu
ndak paduli jo api angek jo muko ba abu
nan pantiang galeh laku
katiko di hari minggu,
paginyo manggaleh sate dulu,
manuka lah pukuah satu
alun cukuik sampai disitu,

katiko kuah sate balabiah,amak bao juo pulang
karupuak ubi nan ka amak goreang,

nan ka di jua di malam hari,
untuak anak2 di surau nan ka mangaji.
dulu uwo (amaknyo amak) bakadai nasi
kadang kalau balabiah kuah gulai
amak bao pulang, di tambah jo pucuak paranci

kadang kalo maleh bu piak manyamba,
kalo lah sore bu piak tibo di muko dapua
bu piak manyapo amak,icak icak batanyo apo nan amak samba,
tanpa basa basi, amak langsuang ma ambiak an gulai sa sia
untuk ka bu piak bao ka rumah

sangkek bu piak samo2 manganduang jo amak,
kalo dapek anak padusi amak pasang KB, itu niek amak.

doa dianta jo aia mato, naiak mambumbuang manambuih awan
lapeh ka langik 7 pangkek, doa ba kiriman
kandak buliah pintak balaku, anak gadih d agiah tuhan
3 bulan, sapuluah hari wakatu bajalan.
amak memenuhi janji, KB sa umua hiduik, amak bapulang kaharibaan
malang si bungsu indak bamande, ayahpun sato pulo bajalan.

kak juih, anak bujang kak lai tahabehan dek piak
sehat juo piak, panjang umua piak buliah tahabehan juo anak gadih kak.
kato kato bu piak, katiko acara di kampuang nan lalu,
tatapannyo sendu kearah pusaramu, menahan raso rindu,

*mata bu piak menerawang, sambil jarinya menyeka air di ujung mata,seulas senyum terukir d bibirnya


---mak, dari ibu upiak alah salasai,
---kini ambo lanjuik an dari bidan darwilis lai.


anduang darwilis, bidan nan manolong persalinan amak ambo
satiok ambo pulang pun, pasti batamu,
katiko batamu galak manih taukia di bibianyo.
"cucu anduang lah gadih" itu kato liau.

sanangnyo hati anduang manjawek anak gadih
dulu ketek nan d baduang di agah jo galak manih
sakali 2 minggu tibo ka rumah manangih nangih
dibadan tiok sabanta panyakik ma hinggok i
kini lah gadang, lah saroman jo amaknyo, manih

leni maulid mulonyo si upiak banamo
sajak iji maningga, si upiak jadi anak ambo
di tambah lah namo balakangnyo
manjadi leni maulidar, dar nyo dari ambo

tangan anduang marangkul badan ambo,
manggusuak gusuk pungguang nangko.


-- dari anduang darwilis cukuik sampai di siko
-- kini ambo lanjuikan senanduang rindu dari pihak bako
-- amak nan di panggia tuo


takana hati jo maso dahulunyo.
maso uni ketek dulunyo,
satiok pulang sakola, lalu di muko rumah tuo
uni singgah bamain dulu sampai patang hari nyo.

di gantian baju dek tuo.
di suok an makan pulo,
di agiah sagalo kue nan ado
di mandian, di carian pulo kutunyo
rambuik pun di kabek duo.
lah barasiah lah kanyang baru pulang dianta pulo sampai muko
yo sanang bako wak punyo tuo

satik hari rayo rajin manjalang.
indak lupo mambao lamang
badan nan rancak sadang
kok bajalan malengang lenggang.

oh tuo.



--dari bako alah salasai
-- ambo lanjuik ka ni nopi
-- nan barumah di pinyalai


wakatu mangaji d surau sangkek sa isuaknyo
akak mambuek jaguang nan bakarambia jo gulo
anak anak amak bakumpua kasadonyo
"banyak anak nan mamparabuik an makan ko"
anduang bawah ma agiah kato.
"lai etek juo nan ka mahabehan nan banyak ko isuak nyo"
itu jawek amak sakatiko
tanyato jawek manjadi nyato.
amak bajalan, indak ka babaliak lai, salamonyo.



-- dari ni nopi alah salasai lo mak,
-- amo lanjuik ka ni er nan barumah arah ka mudiak

dirumah len banyak buah
dulu satiok ni er pulang sakolah
kalo lah musim babuah
ni er singgah ka rumah

minta jambu aia ka amak,
kadang d ambiak an dek amak

pernah ni er ndak singgah ka rumah
amak batanyo ka urang lalu
"ma si er, ba kok ndak main ka rumah".
"jan d berangan lo inyo mambao jambu",
"jambu tu, ambo nan ma agiah"
ba titipan jambu tu ka urang nan lalu

takana dek ni er, waktu amak maningga
si zet sampai lalok d kuburan
amak, amak, itu katonyo mamanggia.
amak talalu panyayang, tagamang anak nan batinggaan



amak,
cuma iko nan bisa ambo tulih nyo.
tulisan yang sangat sederhano
tapi lah ka jadi ubek dek ambo
kajadi sumangaik dalam hiduik ko
kito baduo emang ndak punyo carito
tp ambo picayo kito samo samo punyo cinto

aku bangga terlahir dari rahimmu amak,
semoga amak di sayang Allah
ku ingin bermanja denganmu, memelukmu walau hanya dalam mimpi

wajah manihmu kekal diselembar foto dalam dompetku *paluak

yu ar mai evriting *cium

depok, 8 oktober 2013

-maulid-